Britania, progres për Brexit me BE/ Gove: Mund të arrihet një marrëveshje e tregtisë së lirë

Ministri britanik që po mbikqyr bisedimet për Brexit, tha se është bërë progress me Bashkimin Europian dhe të dy palët mund të arrijnë një marrëveshje të tregtisë së lirë.  Mbretëria e Bashkuar doli nga Bashkimi Europian më 31 Janar, por kushtet kryesore të anëtarësisë qëndrojnë ende në fuqi gjatë peridhës së tranzicionit që  do zgjasë deri në fund të vitit, gjatë së cilës të dy palët shpresojnë të negociojnë një marrëveshje të tregtisë së lirë.

“Po bëjmë progress me Bashkimin Europian. Mendoj se do të kemi një rezultat të suksseshëm”,- tha Michael Gove.   Ndërkohë që britania ka bërë gjithnjë të ditur se marrëveshja është e mundur, toni i komenteve të Michael Gove, ishte shumë më pozitiv se në muajt e kaluar.   Dështimi për të arritur një marrëveshje do të godiste tregtinë botërore, ndërkohë që bota përpiqet të dalë nga karantina e koronavirusit.  Bashkimi Europian është i gatshëm për kompromis duke zbutur kërkesat që Britania t’i bindet rregullave europiane  për ndihmat shtetërore në të ardhmen.

Sipas burimeve diplomatike për Reuters, Brukseli mund të synojë një kompromis që detyron një mekanizëm të zgjidhjes së konflikteve për çdo ndihmë shtetërore që qeveria britanike i jep kompanive vendase në të ardhmen. “Marrëdhënia që kemi me Bashkimin Europian është konstruktive, pragmatike dhe impresionuese”,- tha Gove. Briania dhe Bashkimi Europian kanë planifikuar më shumë negociata tregtare deri më 2 Tetor, përpara samitit ku blloku shpreson të vulosë marrëveshjen.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.