Britania thërret takimin urgjent të ministrave të shëndetësisë të G7 për të diskutuar variantin Omicron
Britania e Madhe presidente e radhës së G7-s ka thirrur një takim të jashtëzakonshëm të ministrave të Shëndetësisë si pasojë e variantit të ri të koronavirusit Omicron.
Sipas të dhënave të para të mjekëve, pacientët me variantin Omikron shfaqin “lodhje ekstreme”.
Britania e Madhe e ka organizuar takimin urgjent të ministrave të shëndetësisë të G7 të hënën për të diskutuar zhvillimet mbi këtë variant.
Qeveria britanike njoftoi masa të reja të shtunën në përpjekje për të ngadalësuar përhapjen e variantit të ri COVID-19, duke ashpërsuar rregullat për njerëzit që mbërrijnë në Britani dhe urdhërojnë përdorimin e maskave në mjediset e shitjes me pakicë dhe në transportin publik në Angli.
Gjithnjë e më shumë shtete kanë konfirmuar raste të variantit të ri të virusit si në Europë ashtu edhe në shtete të tjera duke vendosur për rrjedhojë kufizime udhëtimi. Izraeli dhe Japonia aktualisht i kanë mbyllur totalisht kufijtë për të gjithë të huajt.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.