Britanikët rikthehen në Korfuz / Qeveria heq kufizimet e karantinës për personat që kthehen në vend
Turistët britanikë janë dyndur drejt ishullit të Korfuzit, pasi qeveria e kryeministrit Boris Johnson hoqi rregullat e karantinës për personat e vaksinuar që kthehen nga vendet e tjera. Që nga 19 korriku, që është cilësuar nga Johnson edhe si “dita e lirisë”, udhëtarët e vaksinuar mund të rikthehen në Britani nga Greqia pa pasur nevojë të vetëizolohen. Greqia është një ndër destinacionet kryesore për turistët britanikë, ndërsa ishujt si Korfuzi janë të varur plotësisht nga udhëtarët nga Mbretëria e Bashkuar. “Jemi shumë të lumtur që do të rikthehen turistët britanikë”, shprehet Presidenti i Shoqatës së Hoteleve në Korfuz, Charalambos Voulgaris. Turistët britanikë përbëjnë rreth 40% të tregut të turizmit në Korfuz, ndërsa rreth 20% e të punësuarve janë në këtë sektor. Pas një viti zhgënjyes në 2020-ën, këtë vit qeveria greke po e mbështet turizmin për të rritur të ardhurat. Në këtë linjë, qeveria ka lehtësuar rregullat, duke lejuar njerëzit e vaksinuar në frekuentojnë restorantet, kafenetë, baret dhe kinematë. Edhe shtrimet në spitale kanë rënë, por rastet e reja me koronavirus po vijojnë rritjen.
Lidion Kulla – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.