British Airways, sytë nga Amerika Latine – Do blejë linjën spanjolle “Air Europa” për 1.1 miliardë dollarë
Pronari i British Airways, IAG, deklaroi në nisje të javës se ka rënë dakord të blejë linjën spanjolle Air Europa, për 1 miliardë dollarë në para cash’, duke i dhënë mundësi që të konkurrojë me udhëtimet europiane drejt Amerikës Latine nëpërmjet Madridit.
Në një kohë të mjedisit sfidues për linjat ajrore në të gjithë botën, British Airways po sheh nga perëndimi për të rritur trafikun dhe tarifat e udhëtimit. Air Europa ofron fluturime brenda vendit dhe ndërkombëtare në 69 destinacione, përfshirë itineraret e gjata drejt Amerikës Latine, Shteteve të Bashkuara dhe Karaibe.
“Blerja e Air Europa do na shtojë një linjë ajrore konkurruese, konsolidojë Madridin si një qendër europiane të transportit dhe t’i japë British Airways lidership në Amerikën e Jugut”, tha ekzekutivi i IAG, Willie Walsh.
Linja e tretë më e madhe me buxhet në Europë, Norwegian Air, arriti një partneritet me JetBlue për udhëtime të drejtpërdrejta në 100 qytete amerikane. British Airways bëri të ditur se marrëveshja pritet të përfundojë në gjysmën e dytë të vitit të ardhshëm.
Kompania, që ka pësuar një goditje në të ardhura për shkak të grevave të pilotëve, pret që marrëveshja të të sjellë rritje graduale të të ardhurave 1 vit pas përfundimit dhe të arrijë kthimin e parë nga kapitali i investuar në vitin e 4-t.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.