Brukseli çon Hungarinë në gjykatën e lartë të BE-së, për “kriminalizimin e aktiviteteve që ndihmojnë azilkërkuesit”
Brukseli e ka referuar Hungarinë në Gjykatën e Drejtësisë për “legjislacionin që kriminalizon aktivitetet në mbështetje të kërkesave për azil dhe kufizon më tutje të drejtën për të kërkuar azil”. Komisioni Europian gjithashtu akuzoi Budapestin se nuk siguron ushqim për njerëzit në zonat transit të emigrantëve në kufirin e saj me Serbinë. Komisioni fillimisht filloi një “procedurë të shkeljes” kundër Hungarisë mbi ligjet e saj të azilit në dhjetor 2015, por po merr masa të mëtejshme lidhur me të ashtuquajturën legjislacionin “Stop Soros” të miratuar në qershor të vitit të kaluar.
Ligji i referohet miliarderit amerikan dhe filantropit George Soros, të cilin kryeministri hungarez Viktor Orban akuzon për mbështetjen e emigracionit të paligjshëm. “Legjislacioni hungarez kufizon të drejtën e azilantëve për të komunikuar dhe ndihmuar nga organizata relevante kombëtare, ndërkombëtare dhe joqeveritare duke kriminalizuar mbështetjen për kërkesat për azil”, tha Komisioni në një deklaratë. Ai gjithashtu paraqiti kritere të reja për pranueshmërinë, duke kufizuar të drejtën e azilit për njerëzit që mbërrijnë në vend drejtpërdrejt nga një vend ku jeta ose liria e tyre janë në rrezik. “Prandaj, këto arsye të papranueshmërisë kufizojnë të drejtën për azil në një mënyrë që nuk është në përputhje me ligjin e BE-së apo të së drejtës ndërkombëtare,” shtoi Komisioni.
Qeveria tha në një deklaratë me email për Euronews se “vazhdon të qëndrojë pranë” pakos legjislative “Stop Soros” dhe se “është gati për padinë”. “Populli hungarez bëri të qartë në një referendum, si dhe në zgjedhjet parlamentare kombëtare dhe europiane, se ata kundërshtojnë emigracionin dhe duan të mbrojnë kulturën europiane të krishterë.“Qeveria beson fuqimisht që paketa legjislative “Stop Soros” dhe amendamenti kushtetues pasqyrojnë vullnetin e popullit hungarez, dhe gjithashtu është në përputhje me dispozitat e Konventave të Gjenevës, Marrëveshjes së Shengenit dhe Konventës së Dublinit,” shtoi ajo.
Hungaria ka një muaj për t’iu përgjigjur shqetësimeve të Komisionit. Gjykata Europiane e të Drejtave të Njeriut në të kaluarën ka marrë masa të përkohshme që e detyrojnë Hungarinë të ofrojë ushqim për personat e ndaluar në zonat e transitit pas apelimeve emergjente të paraqitura nga OJQ-të, përfshirë Komitetin Hungarez të Helsinkit. (Euronews)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.