Brukseli me një kërkesë të re – Synohet të ketë vetëm 5% duhanpirës në gjithë BE-në deri në 2040

Brukseli dëshiron të zvogëlojë përqindjen e duhanpirësve në BE në vetëm 5 përqind deri në 2040. Njoftimi erdhi përpara Ditës Botërore të Kancerit.

Margaritis Schinas, nënkryetar i Komisionit Europian, tha se ai dëshironte të krijonte një brez europianësh pa duhan.

“Ne duam të ulim synimin e duhanpirësve në Europë nga 25 përqind sot në 5 përqind deri në 2040,” tha ai.

“E njëjta gjë vlen edhe për konsumin e dëmshëm të alkoolit, të cilin ne duam ta ulim në 10 përqind deri në 2025.”

Komisioni ka caktuar 4 miliardë euro për t’u përdorur për planin e tij të ri për të trajtuar kancerin, i cili përfshin përmirësimin e zbulimit të hershëm të sëmundjes dhe rritjen e cilësisë së jetës për të mbijetuarit e kancerit.

Eurodeputetja Sara Cerdas, nënkryetarja e komitetit të posaçëm të Parlamentit Europian për mundjen e kancerit, tha për Euronews se shumica e këtij fondi duhet të investohet në kërkim dhe zhvillim.

“Në 50 përqind të rasteve të kancerit, ne nuk e dimë se cilët janë faktorët e rrezikut që kontribuojnë,” tha ajo. “Pra, ne duhet të investojmë më shumë në kërkimin europian dhe në aftësinë tonë për të zhvilluar studime epidemiologjike me një qasje afatgjatë në mënyrë që të mund të identifikojmë faktorët e ndryshëm të rrezikut.”

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.