Buffon kundër Shqipërisë mbush 1 mijë ndeshje të luajtura në karrierë
Portieri i Italisë dhe Juventusit, Gianluigi Buffon do të arrijë shumë shpejt numrin katërshifror të ndeshjeve të luajtura në karrierë. Në rast se Ventura do të zgjedhë ta aktivizojë përballë Shqipërisë, atëherë portieri do të fryjë qirinjtë me numrin 1000 në Palermo.
Deri më sot, i vetmi lojtar italian që kishte arritur ta kalonte këtë numër është ish-kapiteni i Milanit Paolo Maldini, i ndalur në shifrën 1028.
Kështu edhe Gianluigi i shtohet këtij klubi ekskluziv me 167 ndeshje të luajtura për kombëtaren, 220 për Parmën, ekip me të cilin debutoi në vitin 1995 dhe 612 për Juventusin, ekipin e tij të zemrës.
Buffon është shpallur katër herë portieri më i mirë në botë dhe ka fituar gjithashtu titullin e portierit më të mirë të dekadës, 25 viteve të fundit dhe shekullit XXI.
Ndër lojtarët e tjerë që kanë arritur të kalojnë këtë numër ndeshjesh renditen edhe Javier Zanetti (1114), Roberto Carlos (1130), Xavi (1065) , Raul (1063) dhe Lampard (1044).
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.