Bujqësia si “aset” për vendin – 600 fermerë ekspozojnë produktet autoktone në Panair
Prodhimet e tokës shqiptare tërheqin jo vetëm vëmendjen e konsumatorëve vendas, por kanë mësyrë edhe tregjet e huaja, rajonale, europiane e më gjerë nën logon “Made in Albania”.
600 fermerë nga i gjithë vendi kanë ekspozuar prodhimet e tyre autoktone në panairin “Shqipëria punon tokën”, duke i promovuar ato si “aset” për bujqësinë shqiptare.
Ndërsa një lajm i mirë vjen për fermerët nga ambasadori i BE-së në Tiranë. Së shpejti do të hapet thirrja për përfitimet nga fondet e IPARD.
Panairi i vendosur në sheshin “Nënë Tereza”, do të jetë i hapur për qytetarët përgjatë dy ditëve, ku mund të njihen më nga afër me prodhimet dhe fermerët shqiptarë.
Panairi është një kombinim perfekt i produktit, traditës, muzikës dhe kulinarisë shqiptare. Ky është viti i dytë radhazi i një panairi në përmasa të tilla për fermerët.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.