Bullgaria merr “frerët” e BE – Integrimi i Ballkanit prioritet madhor, 6 muaj mjaft impenjativë
Bullgaria ka marrë presidencën e radhës së Bashkimit Europian dhe do ta mbajë këtë detyrë për 6 muajt e radhës. Kjo vjen në një kohë që Bashkimi Europian përballet me sfida aspak të vogla, siç është Brexit.
“Bullgaria do të marrë përgjegjësitë në një moment kyç për unioni, le të na drejtojë slogani forcë në ‘unitet’ “, deklaroi Boiko Borisov, kryeministri i Bullgarisë në një postim në rrjetet sociale.
“Unë jam besimplotë se, ne do të punojnë me sukses drejt prioriteteve tona dhe me vijimësi”-shtoi ai.
Një ndër prioritetet e presidencës së Bullgarisë, e konfirmuar disa herë është edhe integrimi i Ballkanit Perëndimor në Bashkimin Europian, pra të 6 vendeve të Ballkanit Perëndimor, mes të cilave edhe Shqipëria.
Bullgaria, si vendi më i varfër i Bashkimit Europian, dhe më i korrupturari, përfiton nga integrimi i rajonit.
Me qëllimin për të nxitur negociatat e Malit të Zi dhe Serbisë me unionin si dhe të nxisë çeljen e negociatave mes Shqipërisë dhe Maqedonisë me unionin, për të parën herë në 15 vite, në Maj do të zhvillohet samiti mes Ballkanit dhe Bashkimit europian.
“Europianizimi i Ballkanit është i nevojshëm për të parandaluar ballkanizimin e Europës”, paralajmëronte Borisov pak kohë më parë.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.