Bullgaria planifikon t’i japë fund skemës së shitjes së pasaportës për të huajt

Një ditë më parë, ministria e drejtësisë bëri të ditur se Bullgaria ka në plan të ndalojë lejimin e të huajve të pasur për të blerë nënshtetësinë kundër investimeve, duke thënë që kjo skemë nuk kishte arritur ndonjë përfitim të rëndësishëm ekonomik për vendin e BE.

Ndryshimet ligjore vijnë pas raportimeve që ekzekutivi i BE-së do të paralajmërojë se skema të tilla mund të ndihmojnë grupet e huaja të krimit të organizuar në mënyrë që të depërtojë në bllokun prej 28 –anëtarësh dhe të rrisin rrezikun e pastrimit të parave, korrupsionit dhe evazionit fiskal.

Bullgaria është një nga tre vendet e BE –së, ku së bashku me Qipron dhe Maltën, që aktualisht kanë dhënë shtetësinë kundër investimeve. Njëzet shtete anëtare, duke përfshirë këto tre vendet, gjithashtu shesin leje banimi.

Në Bullgari, të huajt mund të marrin një pasaportë, e cila hap derën për shumicën e vendeve të BE, për investime që variojnë nga 1 milion leva (448.000 £) deri në 2 milionë leva bullgare. Gjithashtu, investimet mund të bëhen në obligacione qeveritare.

“Të dhënat tregojnë se qëllimi për të rritur investimet e huaja reale dhe zhvillimin ekonomik nuk është arritur ende, si rezultat i krijimit të vendeve të reja të punës ose rritjes ekonomike,” tha ministria në një deklaratë.

“Në disa raste është konstatuar se në një fazë të mëvonshme, investimi në fakt nuk u materializua për shkak të shitjes së letrave të thesarit të blerë ose për arsye të tjera,” shtoi ai. Ministria e drejtësisë tha se vetëm 50 të huaj – nga Rusia, Egjipti, Izraeli dhe Pakistani – kishin shitur pasaportë kundër investimeve që nga viti 2013.

Ndryshimet ligjore gjithashtu do të forcojnë kontrollet dhe rregullat për dhënien e shtetësisë për njerëzit me origjinë etnike bullgare. Në muajin tetor, prokurorët bullgarë akuzuan një zyrtar të lartë shtetëror si pjesë e një hetimi për një mashtrim dokumentesh që ata thoshin për t’ju mundësuar të huajve pajisjen e pasaportave bullgare dhe të udhëtonin lirisht në bllok.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.