Bum gjyqesh për tenderat – Mbi 110 padi në Gjykatë kundër Prokurimeve Publike
Tenderat publikë mbeten një prej shqetësimeve kryesore të biznesit. Të paktën 110 padi u regjistruan kundër Agjencisë së Prokurimeve Publike dhe Komisionit të Prokurimit Publik gjatë vitit 2017 nga kompani të ndryshme vetëm në Gjykatën Administrative të Tiranës.
Objektet e përplasjeve gjyqësore nisin nga bërë tenderat e mëdhenj të rrugëve e punëve publike me vlerë milionë euro, deri tek blerjet me vlera të vogla.
Disa prej kompanive kërkojnë pavlefshmërinë e përzgjedhjes së fituesve apo anulimin e plotë të tenderave. Disa të tjera kërkojnë rrëzimin e vendimeve që i skualifikojnë nga garat.
Numri shumë i lartë i ankesave pranohet edhe nga vetë Komisioni i Prokurimeve Publike. Sipas një raporti zyrtyar, gjatë periudhës 1 Janar 2016 – 31 Dhjetor 2016, janë regjistruar dhe marrë në shqyrtim pranë
Komisionit të Prokurimit Publik 1,393 ankesa në total, për prokurimet publike, koncesionet, lejet minerare dhe ankandet.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.