Burgjet “non stop” nën vëzhgimin e kamerave – Të përfshirët në krimet terroriste iu ndërpritet komunikimi

Një tjetër vendim i marrë nga mbledhja e fundit e Këshillit të Ministrave ka të bëjë me burgjet dhe personat e përfshirë në krime. Burgjet e sigurisë së lartë do të jenë non stop nën vëzhgimin e kamerave, ndërsa të dënuarve apo të dyshuarve për krime terroriste do iu ndërpritet çdo llojë komunikimi i brendshëm dhe i jashtëm gjatë kohës së vuajtjes së dënimit.

“Kemi vendosur të ndërmarrim një ndryshim ligjor për të dyshuarit, apo për të dënuarit në përfshirje në krim të organizuar apo edhe organizata terroriste të cilët do ti nënshtrohen një regjimi të ri të rreptë izolimi dhe monitorimi duke iu ndërprerë çdo komunikim të brendshëm dhe të jashtëm për të gjithë kohën e paraburgimit dhe vuajtjes së dënimit.

Këta lloj përfaqësuesish të botës së krimit do të kenë kontakte të shumë të kufizuara me qënit e tjera njerëzore dhe shumë rreptësishtë të monitoruar, për gjithë kohën e vuajtjes së dënimit.

Së treti kemi vendosur ngritjen e një salle operative monitorimi non stop me kamera të burgjeve të sigurisë së lartë, duke filluar nga burgu 313 edhe nga godina e operacionit “forca e ligjit”. Ndërkohë që në Shërbimin e Kontrollit të Brendshëm të Burgjeve do të ngrihet një sallë operative monitorimi non stop e të gjitha institucioneve peritenciare të Shqipërisë. Kjo e çon sigurinë e burgjeve në një nivel të panjohur më parë. Kjo e çon luftën kundër korrupsionit në burgje në një nivel të panjohur më parë. Kjo e çon përgjegjësinë e atyre që punojnë në një nivel të panjohur më parë”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.