Burimet e rinovueshme në Shqipëri – Eurostat: Zënë 37.1% të prodhimit
Burimet e rinovueshme të prodhimit të përgjithshëm energjetik të Shqipërisë zënë 37.1%. Nga të dhënat e fundit të Institutit Europian për vitin 2016, vendi ynë së bashku me Islandën, Norvegjinë dhe Malin e zi, renditur në listën e vendeve jo anëtare të BE, kanë edhe përqindjet më të larta të këtij indeksi.
Sipas ekspertëve, përdorimi i energjisë së pastër në Shqipëri është i lartë për shkak të faktit se vendi mbështetet tërësisht nga hidrocentralet.
Ndërkohë, referuar raportit të EUROSTAT, në Bashkimin Europian kjo përqindje është vetëm 17, dy herë më e lartë se në vitin 2014. Objektivi i BE deri në vitin 2020 është të prodhojë 20% të energjisë përmes burimeve të rinovueshme dhe 27% deri në vitin 2030.
Nga të dhënat, nga vendet anëtare të BE-së, Suedia rezultoi me përqindjen më të lartë të vitit 2016 me 53.8%, ndjekur nga Finlanda me 38.7%, Letonia me 37.2% si dhe Austrinë me 33.5%.
Ndërkohë, në mesin e 28 vendeve të BE-së vetëm 11 prej tyre e kanë arritur tashmë nivelin e kërkuar për të përmbushur objektivat e tyre kombëtare të 2020.
Genta Dobra/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.