Burrat më “dembelë” – Të stepur në gjetjen e një pune, gratë rezultojnë më “shkathta”

Kur  bëhet fjalë për të gjetur një vend pune apo për ta mbajtur atë, meshkujt  rezultojnë disi më problematikë në raport me grate. Sipas të dhënave të INSTAT, për  tremujorin e dytë të këtij viti, rezulton se shkalla zyrtare e papunësisë për burrat është 11,8 % dhe për gratë është më e ulët në  11,3 %.

Por jo vetëm, kaq,  krahasuar me të njëjtin tremujor të vitit 2020, shkalla e papunësisë është ulur me 0,2 pikë përqindje për burrat, ndërsa gratë kanë arritur sërish një nivel më të lartë në 0,6 pikë përqindje, çka tregon përpjekje më të mëdha për tu integruar në tregun e punës, i cili pati pasoja të rënda për shkak të pandemisë COVID-19.

Ndërkaq, megjithëse ka pësuar ulje nga viti në vit, papunësia në radhën e të rinjve 15-29 vjeç vijon të mbetet shqetësim, kun gjatë kësaj periudhe u regjistrua në total 19,9 për qind, respektivisht  20.1 për qind tek meshkujt dhe 19.6 për qind tek femrat.

Të rinjtë e moshës 15-29 vjeç që deklaruan se janë nxënës/studentë ose në trajnim përbëjnë 69,8 % të të rinjve ekonomikisht jo-aktivë. Ndër të rinjtë e moshës 15-29 vjeç ekonomikisht jo-aktivë, 9,2 % klasifikohen si të papunë të dekurajuar.

Elisabeta Dosku/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.