Bursa e Londrës shkurton 250 vende pune në mënyrë që të kursejë 30 milionë paund

Pronari i bursës së Londrës ka bërë të ditur se do të shkurtojë rreth 250 vende pune në mënyrë që të kursejë rreth 30 milionë paund. Pavarësisht nga të ardhurat dhe fitimet që po rriten, Grupi i Bursës së Londrës njoftoi një ditë më parë se do të pezullojë nga puna rreth 5 për qind të fuqisë punëtore të saj dhe shtoi se ende nuk pret ndonjë përmirësim të fitimit gjatë vitit 2019.

Shkurtimet e vendeve të punës do të vijnë nga të gjitha operacionet e LSE-së dhe do të fokusohen në shkurtimin e dublikimeve, tha shefi ekzekutiv David Schwimmer. Ai u tha gazetarëve: “Ne jemi shumë të përgatitur për çdo gjë që vjen nga një situatë e Brexit. Ne presim rritje të mundësive ndërkombëtare për të kompensuar çdo sondazhi të tregut në vitin 2019”.

Fitimet operative u rritën rreth 14 për qind në 751 milion paund në 2018, ndërsa të ardhurat u rritën 8 për qind në 1.9 milion paund. Megjithatë, Schwimmer, u tha investitorëve se LSE se ende nuk pret të përmbushë ndonjë nga objektivat e fitimeve.

“Prioritizimi i investimeve të mëtejshme në mundësitë e rritjes do të thotë se grupi nuk planifikon të arrijë caqet e kostos dhe grupit në 2019“, tha firma.

Tregu i tregtimit të aksioneve të LSE, Turquoise, po kërkon një licencë për të operuar në Amsterdam në mënyrë që ti shërbejë klientëve pas daljes nga Brexit, me autorizim nga rregullatorët e afërt holandezë, sipas Schwimmer.

Nëse Britania e Madhe siguron një periudhë tranzicioni Brexit me BE, tregtia e aksioneve të rezervave në euro do të vazhdojë të mbetet në Londër, tha shefi ekzekutiv.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.