Bursa studimi në Gjermani – Ja afatet dhe kushtet për aplikimin
Edhe këtë vit, shërbimi i Shkëmbimit Akademik Gjerman DAAD do të ofrojë bursa për qëndrime afatgjata dhe afatshkurtra në Gjermani.
Për bursat mund të aplikojnë studentë, absolventë dhe shkencëtarë të të gjitha fushave, përfshirë edhe ish-bursantë të këtij programi.
Shumë prej bursave janë të dedikuara edhe për artistë dhe ato përfshijnë degën e Muzikës dhe Arteve të Bukura, si edhe degën Film dhe Design. Për këto degë, aplikimi duhet të bëhet në zyrën e DAAD në Bonn, përkatësisht brenda datës 31 Tetor për Muzikë dhe Arte të Bukura dhe brenda datës 30 Nëntor për Film dhe Design.
Ndërkohë që për të gjitha degët e tjera aplikimet bëhen brenda datës 15 nëntor pranë Ambasadës Gjermane.
DAAD ofron gjithashtu bursa për kurse verore për studentë të përparuar nga të gjitha degët, të cilët kanë njohuri në gjuhën gjermane. Aplikimet për këtë kategori priten pranë Ambasadës Gjermane brenda datës 1 Dhjetor 2017.
Të gjitha bursat i përkasin vitit akademik 2018-2019.
A.H./SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.