Bursat kineze në kolaps – Pekini: Nuk duam të jemi objektiv i sanksioneve perëndimore ndaj Rusisë!

Bursat kineze janë fundosur nga frika e valës së Covid-19 dhe u mbyllen në nivelet më të ulëta brenda ditës: indeksi i Shanghai Composite në -4.95%, në 3063.97 pikë, ndërsa ai i Shenzhen bie 4.56% në 2013.37.

Bursat kineze janë gjithashtu në kolaps për shkak të frikës se Pekini dhe kompanitë e tij mund të bëhen objektiv i sanksioneve nga Shtetet e Bashkuara dhe Europa, për shkak të lidhjeve midis Kinës dhe Rusisë. Hong Kongu, i cili dje ra në nivelin më të ulët të gjashtë viteve, është ulur 5.72% (në 18,415.08 pikë), me objektivin e aksioneve të teknologjisë për një shitje (indeksi i teknologjisë Hang Seng ra mbi 8%).

Rreziku i sanksioneve ka shtuar frikën për shtrëngimin rregullator tashmë të nisur nga Pekini dhe Uashingtoni dhe shqetësimet në rritje për përparimin e epidemisë Covid 19, e cila ka shtyrë Pekinin të mbyllë Shenzhen dhe provincën e Jilin.

Indeksi i referencës Nikkei shënoi një ndryshim mezi pozitiv prej 0.15%, në 25,346.48, me një fitim prej 58 pikësh. Në frontin e monedhës, vazhdon faza e dobësimit të jenit ndaj dollarit, aktualisht në nivelin më të lartë në 5 vitet e fundit, në vlerën 118.30 dhe në nivelin 129.50 kundrejt euros.

Kina nuk dëshiron të “goditet” nga sanksionet ndaj Rusisë njoftoi Ministria e Jashtme, Wang Yi. “Kina nuk është pjesë e krizës, aq më pak dëshiron të goditet nga sanksionet”, tha Wang, në raportin e bisedës telefonike që pati me homologun e tij spanjoll Jose Manuel Albares të publikuar sot.

Kina “ka kundërshtuar gjithmonë përdorimin e sanksioneve për të zgjidhur problemet, për të mos përmendur sanksionet e njëanshme që nuk kanë bazë në të drejtën ndërkombëtare, të cilat do të dëmtojnë jetesën e njerëzve në të gjitha vendet,” tha Wang Yi.

Ndërsa Pekini nuk i mbështet sanksionet perëndimore, Shtëpia e Bardhë po i bën presion ekonomisë së dytë më të madhe të planetit që të përmbahet nga shpëtimi i Rusisë nga një dështim i mundshëm ose nga dërgimi i armëve. ANSA

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.