Bushati – Kotzias takim më 10-12 nëntor në Kretë – Bisedimet do të përqendrohen në marrëdhëniet dypalëshe

Ministri i Jashtëm Ditmir Bushati dhe homologu i tij grek Nikos Kotzias do të zhvillojnë një takim dy ditor, më 10-12 nëntor në ishullin e Kretës. Bisedimet do të përqendrohet në marrëdhëniet dypalëshe. Pjesë e bisedimeve do të jetë edhe çështja e ditëve të fundit, situata në Himarë, ku pakica greke akuzon qeverinë shqiptare për prishje të paligjshme të banesave të tyre.

Sipas burimeve të IBNA, axhenda e takimit do të përfshijë çështjen e minoritetit etnik grek, varrezat ushtarake, planifikimin e politikave të Zonës Ekonomike Ekskluzive (ZEZ), librat shkollorë, heqjen e kufijve mercenar dhe të deteve, ndërsa pala shqiptare pritet të shtrojë në tavolinë çështjen Çame.

Gjithashtu pjesë e diskutimeve pritet të jetë edhe miratimi i ligjit për pakicat, i cili shkaktoi edhe reagimin e ministrisë së jashtme greke.

Takimi i Kotzias dhe Bushatit u vendos në Nju Jork, ku të dy ministrat u takuan gjatë pjesëmarrjes në punimet e Asamblesë së Përgjithshme të OKB-së.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.