Bushati, optimist për integrimin – “Kemi shumë rrugë për të bërë, negociatat hapen në qershor”
“Premtimi për integrim në të ardhmen ka ndihmuar shumë shtetet në rrugëtimin e tyre drejt demokracisë së plotë, si dhe i ka nxitur ata drejt modernizimit dhe progresit në reforma, duke treguar edhe vlerat perëndimore. Shqipëria është krenare që është në këtë rrugëtim”, shkruan ministri i Europës dhe Punëve të Jashtme, Ditmir Bushati në një opinion për “Euractiv”, vetëm pak ditë përpara samitit të Ballkanit Perëndimor që do të mbahet në Londër.
“Ne e dimë mirë se Shqipëria nuk është gati për t`iu bashkuar Europës nesër. Ne kemi shumë punë për të bërë në fillim, por do të jemi të gatshëm të marrim pozicionet tona në fillim të procesit të anëtarësimit Qershorin e ardhshëm. Ne e dimë dhe ne dakordësohemi me partnerët tanë europianë se duhet të vijojmë programin e reformave në drejtim të forcimit të sundimit të ligjit dhe luftës ndaj korrupsionit dhe krimit të organizuar”, shton më tej Bushati që nuk harron as të përmendë sukseset e derimëtanishme të qeverisë, si reforma në gjyqësor, administratë publike, etj.
Bushati e konsideron vendimin e Këshillit për çeljen e negociatave vitin e ardhshëm si një mirënjohje ndaj këtyre reformave.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.