“Bustina çaji që shndërrohen në piktura artistike” – Artistja e talentuar mbush galeritë e artit

Shumica prej nesh i shohin bustinat e përdorura të çajit si copa të njoma e të përdoruar të cilat i përkasin koshit, por artistja vizuale dhe grafike Ruby Sillet i ruan ato, për t’i shndërruar më pas në piktura në miniaturë.

Tre vite më parë Rubit i lindi kjo ide duke kombinuar dy nga pasionet e saj më të mëdha, piktura dhe çaji.

Ajo e filloi këtë projekt të quajtur 363 ditët e çajit, duke krijuar një pikturë unike çdo ditë për 363 ditë.

Për artisten me bazë në Nju Jork, ai shërbeu si një lloj ditar i përditshëm, duke i lejuar asaj të regjistrojë ndjenjat dhe mendimet e saj si ilustrime miniature të çuditshme, por gjithashtu detyroi shikuesit të rivlerësojnë pikëpamjet e tyre mbi materialet e gjetura dhe të ricikluara.

363 ditët e çajit tërhoqën shumë vëmendje si në botën e artit ashtu edhe në internet dhe nxitën Rubin të vazhdonte edhe më tej mediumet e panjohura.

Në vitin 2016 ajo filloi edhe 2 projekte të reja, “52 javët e çajit dhe 26 Ditët e çajit në Japoni” dhe vitin e kaluar ajo e vazhdoi udhëtimin e saj artistik duke udhëtuar drejt Japonisë dhe Francës për seancat e gjata të pikturës dhe pirjes së çajit.

Të gjitha veprat artistike të Rubit gjenden nëpër galeri pikturë rreth e qark SHBA-ve, gjithashtu dhe në fotot e saj të Instagram, të cilat azhornohen herë pas here.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.