Butrinti, ndër monumentet kulturore e natyrore që nuk duhet të humbisni!

Butrinti shtrihet në jugperëndim të Shqipërisë, rreth 20 km në jug të portit modern të Sarandës. Pozicioni i tij është spetakolar, dhe jo vetëm pozicioni i tij por i gjithë ambienti në këtë zonë është mjaft i bukur dhe ka shumë për të parë e vizituar.

Nën ujin detar takohet një faunë e florë mjaft e pasur, ku vlen të veçohet fanerogami) dhe bivalvori, lloje të mbrojtur nga konventat ku Shqipëria aderon. Liqeni i Butrintit ka probleme ekologjike, por është i rëndësishëm në mënyrë të veçantë për iktiofaunën/akuakulturen dhe avifaunën e tij, përfshi dhe liqenin e Rrëzës (Bufit), me të cilin komunikon në lindje. Brenda zonës ruhen njolla të pyllit tipik mesdhetar.

Qyteti i Butrintit është i madh dhe kompleks, me rrënoja nga periudha të ndryshme. Për ata që nuk janë arkeologë apo studentë specialistë, mënyra më e lehtë në vizitën e tyre të parë është të vërtiten brenda perimetrit.

Të shëtisin përreth mureve dhe të shohin me sytë e tyre se si u zhvillua qyteti dhe kështjella si një ishull i fortifikuar dhe pastaj të procedojnë drejt qendrës për të parë finesën e ndërtimeve antike.
Në zonë mund të hyhet nëpërmjet një porte, ku aplikohet një tarifë shumë e vogël.

Duke marrë në të djathtë dhe duke ndjekur rrugicat e ngushta mbërrin në rrënojat që i përkasin banjos romane dhe një kulle veneciane dhe pastaj një seksion tjetër muresh që datojnë në shekullin e IV, viti i Krishtit.

Pas pothuaj 400 metrave të tjerë, të shfaqen rrënojat e një qendre të krishterë kulti dhe pastaj një pishinë në formën e kryqit që mund të ketë qenë pjesë e kishës mesjetare.
Në të djathtë të hyrjes sheh një pamje shumë të këndshme të zgjerimit të kanalit që më pas të çon tek liqeni.

Më pas vazhdon një seksion tjetër, tepër i gjatë i mureve të jashtëm, edhe këto i përkasin antikitetit të mëvonshëm, ndërsa një shëtitje në pyllin e dendur në veri të ishullit është me të vërtetë tepër e këndshme.

Në të majtë, ndërsa afrohet fundi i kësaj rrugice, shihen muret e një bazilike mesjetare afër pikës ku bashkohen muret lidhëse të fortifikime të jashtme

Monumentet natyrore që do të gjeni në Butrint:

Pylli i Butrintit: Rruga nëpërmjet të cilës mund të arrihet: Duke ndjekur rrugën automobilistike Sarandë-Butrint.

Liqeni i Rrëzës: Rruga nëpërmjet të cilës mund të arrihet: Duke ndjekur rrugën automobilistike Sarandë-Butrint dhe më pas duke ndjekur rrugën këmbësore 400 m larg nga rruga automobilistike.

Burimet e kripura të Mullerit: Shkohet duke ndjekur rrugës këmbësore 700-750 m që lidhet me aksin Sorone-Konispol.

Ishujt e Ksamilit: Rruga nëpërmjet të cilës mund të arrihet: Duke ndjekur rrugën automobilistike Sarandë-Ksamil dhe me anë të rrugës ujore me distancë pothuajse 150 m nga rruga auto(nacionale).

Kanali i Vivarit: Rruga nëpërmjet të cilës mund të arrihet: Duke ndjekur rrugën automobilistike Sarandë-Butrint.

Burimi: Agjensia Kombëtare e Zonave të Mbrojtura

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.