Buxhet optimist për 2020-ën! SCAN zbardh draftin që është në qeveri. Parashikohet rënie borxhi, ulje defiçiti dhe rritje ekonomike
Qeveria sërish është treguar optimiste në lidhje me treguesit makroekonomikë për vitin e ardhshëm, sa i takon defiçitit buxhetor, rritjes ekonomike dhe borxhit publik.
Referuar projekligjit të buxhetit 2020, të zbardhur nga TV SCAN, që pritet të miratohet në mbledhjen e qeverisë, vitin e ardhshëm, rritja ekonomike pritet të jetë në nivelin 4.1 për qind, nga 4.4 që ishte menduar në afatmesëm, defiçiti buxhetor pritet të jetë ë 1.6 për qind e PBB, ndërsa borxhi publik në 62.2 për qind.
Në draftt thuhet se të ardhurat janë parashikuar në vlerën e 502.7 miliadrë lekëve, shpenzimet në rreth 532 miliardë lekë dhe defiçiti buxhetor në rreth 29.3 miliardë lekë.
Në raport me vitin buxhetin fillestar 2019, të ardhurat janë në rritje me 16.2 miliardë lekë, dhe shpenzimet po ashtu me 12.5 miliardë lekë, por shumë më poshtë pritshmërive të buxhetit afatmesëm ku të ardhurat ishin parashikuar në 518 miliardë lekë dhe shpenzimet në 548 miliardë lekë.
Duke marrë parasysh rishikimin që iu bë ligjit më të rëndësishëm të shtetit gjatë ketij viti, mosrealizimin e planit në të ardhura dhe shpenzime, si dhe rritjen e përgjysmuar ekonomike, ky draft mund të konsiderohet si tepër optimist për situatën në të cilën ndodhet aktualisht vendi.
Sipas relacionit, buxheti 2020 do të mbështesë reformat e nisura në sektorë kyç të ekonomisë, si ajo në drejtësi, reformën në administratën publike dhe manxhimin e financave publike, si dhe reformën administrative-territoriaole dhe atë të financimit të arsimit parashkollor.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.