Buxheti 2018/ Plani i Bashkisë së Tiranës, ja akset rrugore që do të rikonstruktohen vitin e ardhshëm. Në listë edhe shkollat

Kryebashkiaku Erion Veliaj, gjatë prezantimit të buxhetit për vitin 2018 në njësinë 7 në kryeqytet foli edhe për investimet në infrastrukturë që do të bëhen vitin e ardhshëm.

Konkretisht, kryebashkiaku u ndal në rikonstruksionin e infrastrukturës rrugore, ku theksoi edhe akset që do të përfshihen në këtë rikonstruksion.

Gjatë fjalës së tij, Veliaj nënvizoi se do të asfaltohen rreth 20 rrugë lagjesh, ndërkohë që nuk ka lënë jashtë vëmendjes ndërtimin e shkollave të reja me qëllim që t’i jepet fund një herë e mirë mësimit me dy turne.

Investimet e parashikuara për vitin 2018 në njësinë Nr.7 janë:

Investime në zbatim:

– Palestra dhe sistemi i ngrohjes në shkollën 9-vjeçar “Dhora Leka”

– Biblioteka e Qytetit Nr.9

– Rehabilitimi i Unazës së Mesme” (prek edhe Nj.A te tjera 2,4,5,7,8,9,10)

Investime që do nisin:

– Rikonstruksion i infrastrukturës rrugore i bllokut kufizuar nga Fusha e Aviacionit-rruga “Anesti Lubonja”-Lumi Lana- dhe rruga “Artan Lenja”

– Rikonstruksioni i rrugës nga degëzimi i rrugës “Babë Rexha” e “Stavri Themeli”

– Rikonstruksioni i rrugëve “Kel Kodheli” dhe “Skënder Shtylla”

– Ndërtimi i Unazës 4 (segmenti rruga “Ndre Mjeda” deri tek rruga “Dritan Hoxha”)

– Sistemi asfaltim i disa rrugëve në Njësinë Administrative nr.7

– Rikonstruksioni i shkollës “Sabaudin Gabrani 1”

– Rikonstruksioni i shkollës “Gustav Majer”

os.de/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.