Buxheti i kripur i Drejtësisë – 500 punonjës shtesë, Fino: Gjyqtarët rroga 4 milionë lekë në muaj
Reforma në Drejtësi do t’i kushtojë shtrenjtë xhepave të taksapaguesve shqiptarë, duke qenë se implementimi i saj kërkon hapjen e rreth 500 vendeve të reja pune, ndërkohë që, sipas relatorit të draftbuxhetit për këtë sektor, Bashkim Fino, Gjyqtarët e niveleve të larta do marrin paga deri 4 milionë lekë të vjetra në muaj duke nisur nga viti 2019.
Komisioni Parlamentar i Ligjeve ka marrë në shyrtim buxhetet e institucioneve të drejtësisë për vitin e ardhshëm. Ndërkohë që kanë qenë kërkesat e Prokurorisë, Zyrës së Administrimit të Gjyqësorit, dhe Gjykatës së Kushtetuese ato që kanë tëerhequr pjesën më të madhe të debateve.
Përfaqësuesi i Prokurorisë së Përgjithëshme Luan Abazi, drejtor i financave të këtij institucioni, kërkoi 197 punonjës shtesë, 100 prej të cilëve sekretare, 30 oficerë të rinj gjyqësorë, koordinatorë, apo ekspertë që do shqyrtojnë dosjet e zyrtarëve të lartë.
Ndërkohë që Ministria e Financave ka miratuar një shtesë buxheti prej 50 punonjësish.
Zyra e Administrimit të Buxhetit Gjyqësor bëri me dije se nevojiten në total 300 punonjës të rinj, ndërkohë që për këtë vit Komisioni i Ligjeve ra dakord që personeli i saj të shtohet maksimumi me 30 persona.
Ndërkohë që shtesë fondesh kërkoi edhe Gjykata Kushtetuese, e cila numëron aktualisht vetëm 2 anëtarë. Eugen Papandile sekretar i pergjithshem, i kësaj gjykate kërkoi organika e këtij institucioni të rritet nga 19 në 28 punonjës.
Ai argumentoi se per shkak te nfryshmeve qe ka sjelle reforma, ankimi nga 2 vjet ka shkuar ne 4 muaj, ndërkohë që plotësimi i saj me anëtarë 28 mije dosje ne gjykaten e larte, te shkarkuara e te ankimuara te kushtetuesja, do bëjnë që kjo gjykatë të ketë volume të jashtëzakonshme pune vitet e ardhëshme.
Presidenca ishte ndër të paktët institucione që u tregua e kënaqur me buxhetin, ndërkohë që relatori i draftbuxhetit Bashkim Fino u shpreh se organika e saj prej 86 personash është më shumë nga cc’i nevojitet në të vërtetë kreut të Shtetit.
Shtesa fondesh për ristrukturim ambjentesh kërkuan Komisioni Qendror i Zgjedhjeve dhe Kolegji i Posaccëm i Apelimit, ndërkohë që Komisioni i Pavrur i Kualifikimit kërkoi shtesë për vështirësi punë per komisionerët dhe sigurimin e jetës për ta.
Lorenc Rabeta/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.