Buxheti i kulturës ulet me 2.2% – Margariti: Jemi të vetëdijshëm për situatën, ja ku do fokusohen investimet
Një buxhet që adreson problemet kryesore, edhe pse ka pësuar një rënie me 2.2% në raport me një vit më parë. Kështu e ka konsideruar ministrja e Kulturës, Elva Margaritit buxhetin e vitit 2021 për dikasterin që ajo përfaqëson, duke qenë e vetëdijshme se për vitin që vjen fondet janë fokusuar kryesisht te programi i rindërtimit dhe përballimi i situatës së krijuar nga COVID-19.
Për vitin 2021 investimet në programin art dhe kulturë do të fokusohen në 3 projekte, ku përfshihet dhe rijetësimi i Piramidës. Në krahasim me një vit më parë, ky program është shoqëruar me një rritje fondesh, prej 213 mln lekë.
Ndërkaq, sipas Margaritit do të jenë edhe 40 mln euro, të akorduara nga Bashkimi Evropian, që përgjatë 3 viteve do të përdoren për restaurimin e monumenteve të kulturës të dëmtuara nga tërmeti.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.