Buxheti i policisë, investime rekord në teknologji – Rama: Prioritet krimi mjedisor, kamera në akset rrugore, monitorim territori me satelitë

Kryeministri Edi Rama ka qenë i pranishëm gjatë prezantimit të Buxhetit të vitit 2020 të forcave të rendit. Ai përmendi tre prioritet kryesore ku do fokusohet buxheti që janë rritja e pagave dhe investimeve, lufta kundër krimit mjedisor dhe standardet e shërbimit ndaj qytetarëve.

Monitorimi i akseve rrugore me kamera dhe pajisje inteligjente do të jetë një prej risive për vitin 2022, gjë që do të heqë patrullat nga rrugët, në një kohë që do të përmirësojë ndjeshëm cilësinë e mbikëqyrjes së respektimit të rregullave të qarkullimit ligjor.

Risia tjetër e rëndësishme për vitin e ardhshëm do të jetë mbikëqyrja e territorit përmes dy satelitëve.

Ministri i Brendshëm Bledi Çuçi tha para efektivëve të forcave të rendit se buxheti për vitin 2022 është rritur me 70%, ndërkohë që gjysma e tij është parashikuar për investime në teknologji.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.