Buxheti për arsimin, jo premtues! Rritet vetëm me 0.9% , më shumë fonde për arsimin parauniversitar

Arsimi edhe pse është vlerësuar si një ndër sektorët prioritar lidhur shtimin e investimeve , buxheti i caktuar për për vitin e ardhshëm duket se nuk është shumë premtues. Krahasuar me një vit më parë, ky buxhet  ka pësuar një rritje vetwm me 0.9%  e cila  vijon të  mbetet  e pamjaftueshme, nisur edhe nga situata e shkaktuar nga pandemia.

Sipas projektbuxhetit të publikuar tashmë për arsimin për vitin 2021 janë parashikuar të shpenzohen  42.2 miliardë lekë në total,  nga  41.9 miliard lekë që ka qënë në vitin 2020.

Në buxhet shuma më e madhe  është parashikuar të investohet për Arsimin bazë, përfshirë parashkollorin në  një shumë rreth 22.7 miliardë lekë, 10 miliard për arsimin universitar dhe 7.1 miliard lekë për arsimin e mesëm të përgjithshëm.

Ndërkohë  fondet ngelen të ulta për  investimet në zhvillimin e shkencës dhe të sportit, kryesisht 680 milion dhe 725 milion lekë. Nisur nga fondet e parashikuar për këtë sektor duket se  edhe vitin e ardhshëm Shqipëria do të mbetet ndër vendet e fundit në Evropë  për  investimet në arsim duke mos arritur as synimin e 5% të prodhimit të brendshëm bruto.

Ky është një shqetësim i ngritur shpesh nga ekspertët vendas të cilët vazhdojnë të  kërkojnë vëmëndje të shtuar  sa i takon zhvillimit të arsimit përmes shtimit të fondeve.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.