Buxheti për arsimin profesional – Rritje e fondit në 3.4 mld lekë për shkollat e mesme

Arsimi profesional është parë si një nga rrugët më të mira për të kualifikuar krahun e punës në bazë të kërkesave që ka tregu. Në këtë kuadër mendohet që të rinjtë të orientohen që pas mbarimit të shkollës 9-vjeçare drejt arsimit profesional.

Ministria e Ekonomisë dhe Financave synon që në tre vitet në vijim të rrisë fondin për këtë kategori. Gjatë vitit që vjen shteti do të shpenzojë rreth 3.4 miliardë lekë në mbështetje të programit “arsimi profesional”,  nga 2.9 miliardë lekë që ka akorduar në vitin 2018.

Në këtë aspekt synohet që  në tre vite në vijim të rritet numri i të punësuarve pas diplomimit në shkollat e mesme profesionale në 46% të totalit që mbarojnë studimet në vitin 2021, krahasuar me 42% në vitin 2018.

Deri në fund të vitit 2021 do të kemi një rritje të të diplomuarve në arsimin profesional me 300 studentë më shumë, konkretisht nga 3.300 nxënës që përfunduan arsimin profesional në 2018, do të jenë 3.600 të tillë që do e përfundojnë në 2021. Në të njëjtën kohë do të nxiten student që vijnë nga zonat rurale që ti drejtohen arsimit profesional. Nga 44% e totalit të nxënësve që vijnë nga zonat rurale në 2018, kjo shifër do të shkojnë në 55% e totalit të tyre në fund të tre viteve që vijnë.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.