Buxheti për mjedisin – Vokopola: I pamjaftueshëm, politika duhet të mbajë premtimet
Buxheti për mjedisin nuk është i mjaftueshëm, në një kohë që zëri për mbetjet është pothuajse zero. Kështu është shprehur për SCAN, Zana Vokopola, drejtore e Institutit të Kërkimeve Urbane. Sipas Vokopolës politika nuk i ka kushtuar vëmendjen e duhur pavarësisht premtimeve nëpër fushata .
Vokopola siguroi se Institutit i Kërkimeve Urbane dhe shoqatat mjedisore do të vijojnë monitorimin e pas fushatës zgjedhore për të parë nëse qeveria e ardhshme do të mbajë premtimet e dhëna. Drejtoresha e Institutit të Kërkimeve Urbane u shpreh se kryesisht deri më tani qeveritë nuk i kanë mbajtur premtimet e dhëna lidhur me çështjet mjedisore, të cilat kanë një impakt të drejtpërdrejtë në jetët tona.
Buxheti i Ministrisë së Mjedisit për vitin 2017 kapi shifrën prej rreth 3.206 mln lekë në tërësinë e tij, buxhet i cili shënon një rënie krahasuar me një vit më parë, kjo për arsyen se zë ri i sektorit të pyjeve në mesin e 2016-ës kaloi në pronësi, menaxhim dhe administrim të pushtetit vendor.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.