Buxheti për Turizmin e Mjedisin – 2.6 mld lekë për 2019. Më shumë fonde për pyjet 

Ministria e Turizmit dhe  e Mjedisit vitin e ardhshëm do të këtë në dispozicion  një buxhet prej 2.6 miliardë lekësh, buxhet i cili shënon një rritje krahasuar me një vit më parë  vetëm me 300 milion lekë. Pjesa më e madhe e buxhetit për këtë institucion ndryshe nga ky vit, në vitin 2019 është parashikuar të shpenzohet për administrimin e pyjeve, behët fjalë për 1 miliardë lekë nga 800 milion  në  vitin 2018.

Kjo rritje  e fondit është në vazhdën e politikave që po ndjek  Ministria e  Turizmit dhe Mjedisit  për  gjelbërimin e vendit, për të cilin ka nisur tashmë edhe një plan kombëtar për gjelbërimin deri në vitin 2020 për mbjelljen e  20 milion e 200 mijë pemëve. Mbi 800 milion lekë në buxhet janë   parashikuar për programe të cilat do të  dedikohen  për mbrojtjen e mjedisit  dhe vetëm 500 milion lekë do të shpenzohen për zhvillimin e turizmit.

Më pak fonde janë vënë në dispozicion të planifikimit, manaxhimit dhe administrimit, sipas shifrave të bëra publike nga ministra e Financave  rezulton se në  këtë drejtim do të shpenzohen vetëm 200 milion lekë.

Nertila Doko/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.