Buxhetimi gjinor – 15 mld lekë për 2017, punësimi me ndërmjetësim 62% janë gra
Në buxhetin e 2017 është përfshirë për herë të parë edhe një fond për të nxitur politikat me bazë gjinore. Ky fond kap vlerën e 15 miliardë lekëve edhe kjo shifër përbën rreth 2.3% të totalit të shpenzimeve buxhetore. Ndërsa referuar punësimit, nga 23 136 persona të cilët kanë aplikuar për punë , janë punësuar mbi 5200 persona. Sipas Ministres së Shëndetësisë dhe të Mbrojtjes Sociale Ogerta Manastirliu , 62% e të punësuarve janë gra dhe vajza.
Ndërkohë që gratë janë fuqizuar edhe në sipërmarrje. Sipas Zëvendës Kryeministres Senida Mesi, një në tre biznese hapet ose administrohet nga gratë.
Për vitin 2017 janë raportuar 4543 raste të dhunës dhe krimeve të tjera të ndodhura në marrëdhëniet familjare. Duke bërë që të kemi një rritje me 380 raste më shumë se viti i mëparshëm.
Edhe pse po punohet për të mundësuar barazinë gjinore në vendin tonë ka ende hendek sa i përket pagave në sektorin privat mes burrave dhe grave për të njëjtën punë.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.