Call center e fasoneri pa asnjë punëtor! – Ibrahimaj: Subjekte evazioni, 7200 biznese deklarojnë paga më të ulëta
Edhe pse renditen ndër sektorët me punësueshmërinë më të lartë, paradoksi është se mijëra kompani call center, ndërtimi dhe fasoneri, rezultojnë pa asnjë punonjës apo me vetëm 1 të tillë. Në kuadër të planit operacional antiinformalitet këto kompani do të verifikohen, si dhe do të kontrollohen 7200 subjekte që deklarojnë paga më të ulëta.
Gjatë prezantimit të masave në vijim në kuadër të luftës ndaj informalitetit, Ibrahimaj bëri me dije se do të veprohet mbi subjektet që kanë detyrime të papaguara, si dhe do të rishikohet kësti i tatimfitimit me rritje për 8000 biznese që kanë rritur qarkullimin.
Në kuadër të masave, drejtorja e tatimeve bëri me dije dhe ndryshimet në ligjin për procedurat tatimore, për bizneset që përsërisin shkeljet.
Sa i takon efektit të fushatës antiinformalitet në rritjen e të ardhurave në buxhet, Ibrahimaj bëri me dije se këtë muaj pritet të ketë reflektim në realizimin e planit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.