Carnegie, njeriu i çelikut që fali 90% të pasurisë së tij
A mund ta imagjinoni që të bëheni personi më i pasur në botë dhe më pas t’i falni të gjitha paratë tuaja? Kjo është pikërisht ajo që bëri Andrew Carnegie. Por kush ishte ky njeri?
Andreë Carnegie lindi në Dunfermline të Skocisë më 25 nëntor 1825. Familja e tij emigroi në Shtetet e Bashkuara të Amerikës kur ai ishte fëmijë dhe u vendosën përfundimisht në Pensilvani.
Carnegie ka punuar punë nga më të ndryshmet por një nga punët ku ai punoi dhe tërhoqi vëmendjen e dy drejtuesve të kompanisë ishte mbikëqyrës në Divizionin e Pittsburgh të hekurudhës së Pensilvanisë.
Këta dy drejtues të cilëve Carnegie iu tërhoqi vëmendjen kanë patur një ndikim shumë të madh në të gjithë jetën e Carnegie.
Ai avancoi shumë dhe u bë mjaft i aftë për të investuar dhe një nga mënyrat e tij ishte përdorimi i lidhjeve dhe aftësive të tij për të shkrirë T.T. Woodruff & Company e cila më vonë u quajt Kompania Qendrore e Transportit.
Në 1861 ai u emërua drejtues i Hekurudhave Ushtarake dhe për shkak të pozicionit të tij Carnegie kishte njohuri për makineritë ushtarake gjatë Luftës Civile dhe gjatë asaj kohe kuptoi se kishte një nevojë të madhe për prodhim hekuri.
Pas luftës ai përdori njohuritë e tij duke i kthyer kështu të gjithë interesin e tij nga hekurudhat në industrinë e hekurishteve, duke themeluar kështu “Keystone Bridge Works”.
Kontaktet e tij në hekurudha, të cilat kishin nevojë për shumë çelik, u bënë të volitshme dhe ai ishte në gjendje t’i përdorte ato për të rritur biznesin.
Biznesi i Carnegie ishte në mes të një Amerike e cila po ndryshonte me shpejtësi të madhe dhe kompani pati një vit sfidues në 1892 pasi punonjësit dhe anëtarët e Shoqatës së Shkrirjes së Hekurit shkuan në grevë dhe e mbyllën Homestead.
Kohët po ndryshonin dhe në vitin 1901 Carnegie Steel u bashkua me kompaninë e re J.P Morgan- United States Steel Company. Kjo lëvizje i la mjaft kohë të lirë Carnegiet që të bënte punë të tjera, të tilla si shkrimi.
Ndërsa Carnegie kishte shkruar një nga artikujt më të shquar të revistës “North American Review” me titull “Pasuria”, tashmë që ai kishte kohë të lirë mund të bënte edhe më shumë.
Në botimin e “New York Tribune” të 22 Nëntorit ai shkroi një artikull të titulluar “Edukimi për suksesin e biznesit” dhe më pas kontribuoi rregullisht në revista të ndryshme.
Ai madje shkroi disa libra të cilat qenë mjaft të suksesshme dhe inspiruan mjaft njerëz.
Carnegie është gjithashtu i njohur në fusha të tjera, veçanërisht në arsim. Në mbarë botën, Carnegie ndërtoi 2500 biblioteka me fondet e tij dhe u dhuroi para universiteteve dhe qendrave të të mësuarit.
Pas daljes së tij në pension në 1901, në moshën 66 vjeçare si njeriu më i pasur në botë ai vendosi të bëhet filantrop, një person që jep para për shkaqe të mira.
Ai besonte në “Ungjillin e Pasurisë” që do të thotë se njerëzit e pasur janë të obliguar të japin paratë e tyre për të tjerët në shoqëri.
Carnegie bëri disa donacione bamirësie para vitit 1901 por pas asaj kohe dhënia e parave u bë profesioni I tij më I ri.
Në vitin 1902 ai themeloi Institutin Carnegie për të financuar kërkimin shkencor dhe krijoi një fond pensionesh për mësuesit me një donacion prej 10 milion dollarësh.
Paqja në botë ishte një tjetër kauzë, ku ai besonte dhe për këtë arsye ai themeloi “Carnegie Endoëment për Paqen Ndërkombëtare dhe financoi ndërtimin e Pallatit të Paqes së Hagës që strehon Gjykatën Botërore në Holandë.
Deri në vitin 1911, ai kishte dhuruar 90 për qind të pasurisë së tij.
Përshtati: V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.