CDC mbështet vaksinën tek fëmijët – Mbi 28 mln 5-11 vjeçarë në SHBA do të mund të vaksinohen me Pfizer

Qendra për Kontrollin dhe Parandalimin e Sëmundjeve ka mbështetur përdorimin e vaksinës së Pfizer me BioNTech tej fëmijët në moshë 5-11 vjeç, duke krijuar mundësinë që të administrohen dozat menjëherë.  Lajmërimi erdhi pak orë pasi këshilluesit e agjencisë mbështetën unanimisht lëvizjen, duke thënë se përfitimet nga vaksina tejkalojnë rreziqet.

Shumica e diskutimeve u krijuan prej rasteve të rralla të inflamacionit të zemrës që janë lidhur me vaksinën, veçanërisht tek meshkujt e rinj.  Administrata e Barnave dhe Ushqimeve në SHBA i dha miratim për përdorim emergjent vaksinës tek 5-11 vjeçarët ditën e Premte.  Agjencia autorizoi një dozë prej 10 mikrogramë të vaksinës së Pfizer tek fëmijët e rinj, krahasuar me 30 mikrogramë që i jepet atyre në moshë 12-vjeç e sipër.

“Ne e dijmë që miliona prindër mezi presin të vaksinojnë fëmijët e tyre dhe me këtë vendim, ne tashmë kemi miratuar që rreth 28 milionë fëmijë, të marrin një vaksinë ndaj Covid-19”- tha shefja e Qendrës për Kontrollin dhe Parandalimin e Sëmundjeve, Rochelle Wlensky. Në nisje të takimit, Walensky tha se shtrimet në spitalet pediatrike janë rritur gjatë valës së fundit, nxitur nga varianti Delta.

“Rreziku nga Covid-19 është i lartë dhe shkatërrues për fëmijët tanë dhe shumë më i lartë se disa sëmundje të tjera për të cilat ne vaksinojmë fëmijët”- tha ajo.  Walensky tha se mbyllja e shkollave ka pasur gjithashtu ndikim të madh social dhe tek shëndeti mendor i fëmijëve. Presidenti Joe Biden e përshkroi autorizimin e vaksinës tek fëmijët si një pikë të kthesës në luftën me pandeminë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.