CEO i Apple: IPhone nuk do të preket nga tarifat tregtare të Kinës

CEO i Apple Tim Cook nuk pret që celularët kryesorë të kompanisë të preken nga rritja e tensioneve tregtare me Kinën.

“Unë nuk mendoj se iPhone do të marrë një tarifë shtesë,” tha Cook në një intervistë për CNN.

“Bazuar në atë që më është thënë dhe asaj që unë shoh, thjesht nuk e shoh një tarifë ekstra.”

Sektori i teknologjisë dhe gjigantët e pajisjeve si Apple qëndrojnë më të prekshmit nga shtrëngimi i tarifave midis SHBA-së dhe Kinës. Zinxhiri i furnizimit i Apple ka kohë që është rrënjosur në Kinë dhe vendi përbën prurjen e dytë më të madhe të të ardhurave të Apple pas SHBA, sipas FactSet.

Cook muajin e kaluar i tha presidentit Donald Trump në një takim në Shtëpinë e Bardhë se tarifat ishin qasja e gabuar.

“Askush nuk do të fitojë nga një luftë tregtare përshkallëzuese, do të jetë humbje e dyanshme,” tha Cook.

Konsumatorët e Apple tashmë po shohin çmimet më të larta të iPhone në historinë 10-vjeçare të telefonit, edhe pa taksat shtesë. IPhone X arrin pothuajse 1.000 dollarë, dhe gjatë tremujorit të parë të daljes në treg u rrit me 100 dollarë nga çmimi mesatar i shitjes.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.