CEO i Pfizer: Doza e tretë e vaksinës do të jetë ‘ndoshta’ e nevojshme brenda 12 muajve
Kreu i Pfizer tha në një intervistë se njerëzit do të kenë “ndoshta” nevojë për një dozë të tretë të vaksinës Covid-19 të kompanisë së tij brenda një viti nga vaksinimi i plotë.
CEO Albert Bourla tha gjithashtu se vaksinat vjetore kundër koronavirusit mund të kërkohen. Studiuesit aktualisht nuk e dinë se sa kohë vaksinat sigurojnë mbrojtje kundër virusit.
Pfizer publikoi një studim në fillim të këtij muaji që tregonte se doza e tij është më shumë se 91% efektive në mbrojtjen kundër koronavirusit dhe më shumë se 95% efektive kundër rasteve të rënda të Covid-19 deri në gjashtë muaj pas dozës së dytë.
Por studiuesit thonë se duhen më shumë të dhëna për të përcaktuar nëse mbrojtja zgjat pas gjashtë muajsh.
Vaksina Pfizer, e zhvilluar në partneritet me firmën gjermane BioNTech, aktualisht luan një rol kryesor në fushatat amerikane dhe europiane të vaksinimit.
Gjigandi farmaceutik njoftoi në shkurt se po provonte një dozë të tretë të vaksinës së saj për të luftuar më mirë variantet e reja. (AFP)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.