CEO i Pfizer: Njerëzit që përhapin dezinformata mbi vaksinat Covid janë “kriminelë”
Njerëzit që përhapin dezinformata mbi vaksinat Covid-19 janë “kriminelë” dhe kanë kushtuar “miliona jetë”, tha CEO i Pfizer, Albert Bourla.
Duke folur me Atlantic Council, Bourla tha se ekziston një grup “shumë i vogël” njerëzish që me qëllim qarkullojnë dezinformata mbi dozat, duke mashtruar ata që tashmë hezitojnë të vaksinohen.
“Këta njerëz janë kriminelë,” i tha ai CEO i Këshillit Atlantik Frederick Kempe. “Ata nuk janë njerëz të këqij. Ata janë kriminelë sepse kanë kushtuar fjalë për fjalë miliona jetë.”
Komentet e Bourla vijnë pasi miliona të rritur të kualifikuar në SHBA ende nuk janë vaksinuar edhe pse vaksinat kanë qenë të disponueshme për shumicën e amerikanëve shumicën e këtij viti. Ekspertët e shëndetit publik thonë se keqinformimi ka të ngjarë të luajë një rol të madh.
Sipas një sondazhi të publikuar nga Fondacioni Kaiser Family, më shumë se tre të katërtat e të rriturve në SHBA ose besojnë ose nuk janë të sigurt për të paktën një nga tetë deklaratat e rreme për Covid-in ose vaksinat, me të rriturit e pavaksinuar dhe republikanët në mesin e atyre që kanë më shumë gjasa për të mbajtur keqkuptime.
Ndër gënjeshtrat janë se vaksinat Covid përmbajnë mikroçipe, shkaktojnë infertilitet dhe ndryshojnë ADN-në e dikujt, sipas sondazhit.
Bourla tha se jeta për shumë njerëz mund të “kthehet në normalitet” pasi shumë nga të pavaksinuarit të vaksinohen.
“E vetmja gjë që qëndron mes mënyrës së re të jetesës dhe mënyrës aktuale të jetesës është, sinqerisht, hezitimi ndaj vaksinimeve,” tha ai.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.