Certifikata e vaksinës në Britani. Nuk do të kërkohet në bare e restorante dhe nuk do jetë diskriminuese

Baret dhe restorantet nuk do të kërkojnë certifikata të vaksinave kur të rihapen dhe skema e pasaportës së imunizimit nuk do të diskriminojë njerëzit që nuk janë vaksinuar, sipas ministrit britanik të vaksinës, Nadhim Zahaëi.  Hapi i dytë i daljes nga karantina në Britani, do të rihapë baret  dhe dyqanet javën e ardhshme, ndërsa rihapja e qendrave të mipkritjes në ambiente të brendshme, do të ndodhë në hapin e tretë në Maj.

“Në hapin e dytë, që po vjen së shpejti dhe në të tretin, nuk do të ketë asnjë çështje në lidhje me baret dhe restorantet mbi certifikatat e vaksinave”- tha Zahawi. Megjithatë, do të jetë çështje përgjegjësie duke parë se si sillet virusi, sipas ministrit, që shton se do të shihet se si vendet e tjera do përdorin teknologjinë për të kontrolluar virusin.  Ai shtoi se skema e certifikatës mbi statusin e Covid në Britani, nuk do të diskriminojë njerëzit që nuk janë vaksinuar. “Nuk do të ketë një situatë ku qeveria ta lejojë këtë gjë”- tha Zahawi, duke shtuar se kushdo mund të bëjë një test.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.