Çështjet e humbura në arbitrazh, Bozdo: U kushton shqiptarëve 153 mln euro. Kthimi në normalitet, vetëm pas largimit të Ramës
Partia Demokratike ka hedhur akuza ndaj qeverisë lidhur me faturat e rënda të arbitrazhit. Anëtari i Kryesisë, Eno Bozdo në një deklaratë për mediat tha se Korrupsioni i Edi Ramës vetëm me 2 çështje të humbura u kushton shqiptarëve 153 milionë euro. shumë e cila sipas Bozdos do të mjaftonte për të financuar për 3 muajt e ardhshëm paketën e ndihmës së propozuar nga PD.
“Paditë e kompanive te huaja shtohen dhe keto çështje humben nga qeveria shqiptare. Arsyet nuk jane vetëm klima dhunuese dhe e pashprese per te bere biznes ne Shqipëri. Është edhe me keq se kaq. Me ndërgjegje te plote, pa pyetur per pasojat financiare që rëndojnë mbi shqiptarët, Edi Rama ka marre vendime te pastra politike.”
Sipas Bozdos Kryeministri në ikje është një kosto shumë e madhe ekonomike dhe shoqërore për Shqipërinë. Largimi i tij do t’i hapë rruge kthimit te Shqipërisë në normalitet.
“Largimi i Edi Ramës do t’i hapë rruge luftës kundër krimit dhe korrupsionit, zhvillimit ekonomik, rritjes reale te rrogave dhe pensioneve. Ne jemi te vendosur ta bëjmë ketë, së bashku me te gjithë shqiptaret ne 25 prill. Per te mirën tone te përbashkët.”
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.