Çfarë aftësish nevojiten për tu bërë një menaxher i mirë?

Çfarë është një menaxher?

Një menaxher është dikush që mbikëqyr një projekt dhe anëtaret e stafit të këtij projekti . Ata janë përgjegjës për marrjen e punës dhe motivimin e njerëzve duke kapërcyer çështje të tilla si burimet dhe kohën e kufizuar.

Pse të bëheni një menaxher?

Të qënit një menaxher apo mbikëqyrës do të thotë shumë përgjegjësi dhe punë. Nëse jeni të interesuar të bëheni menaxher, duhet të shikoni për një rol apo fushë në një industri që iu intereson.

Shumica e njerëzve synojnë të bëhen menaxher në mënyrë që të avancojnë në karrierën e tyre deh të fitojnë më shumë para.

Kjo është dhe arsyeja pse punët e menaxhimit i intrigojnë të gjithë, por aftësitë që kërkohen për tu bërë një menaxher i mirë jo të gjithë mund t’i kenë.

Çfarë aftësish duhet të keni për tu bërë një menaxher i mirë?

1. Organizimi i mirë

Menaxheri është përgjegjës për organizimin e një departamenti, zbatimin e proceseve dhe udhëzimeve si dhe përvijimin e asaj që duhet bërë.

2. Menaxhim i mirë i kohës

Pritet që menaxherët ta përfundojnë punën në afatet e caktuara. Ndaj menaxhimi i kohës dhe dhënia e prioriteteve të duhura janë të domosdoshme në mënyrë që projektet të përfundojnë deri në afatet përfundimtare.

3. Aftësitë ndër personale dhe ndërtimi i marrëdhënieve

Roli i menaxherit është dhe mbajtja e stafit të motivuar, përveç kësaj menaxherët janë përgjegjës për punësimin dhe shkarkimin e stafit të tyre, për këtë arsye ata duhet të jenë të afrueshëm, të mëshirshëm, diplomatik dhe të kenë aftësi të mira komunikimi në mënyrë që të dëgjojnë stafin e tyre.

4. Delegimi

Ndonjëherë mund t’ju duket joshëse për ti bërë të gjitha punët vetë sepse është dhe mënyrë më e shpejtë se sa t’i shpjegoni dikujt tjetër se çfarë duhet të bëjë ekzaktësisht. Megjithatë drejtuesit duhet të mësojnë ta delegojnë punën aty ku është e nevojshme për të ndarë përgjegjësinë dhe llogaridhënien.

5. Aftësi administrative dhe financiare

Zakonisht pritet që menaxherët të përcaktojnë buxhetet, t’i menaxhojnë ato dhe të kryejnë edhe rolin e administratorit herë pas here siç është shkrimi i raporteve.

6. Aftësi lidershipi

Të qenit udhëheqës përfshin bindjen e të tjerëve për t’ju ndjekur në drejtimin që ju dëshironi të shkoni.

V.Hydi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.