Çfarë diplomash po marrin të rinjtë shqiptarë? 1 në 4 merr diplomë për biznes, administrim dhe ligj
Në vitin shkollor 2019-20, u diplomuan në arsimin zyrtar 98.169 nxënës dhe studentë, me një ulje prej 5,5 %, krahasuar me vitin shkollor 2018-19.
Referuar INSTAT, në arsimin 9 vjeçar u diplomuan 33.618 nxënës. Këtë vit përfunduan studimet në arsimin e mesëm dhe u diplomuan 31.662 nxënës, me një raport bruto të diplomimit GGR prej 81,5 %. Në vitin 2020, janë diplomuar në arsimin e lartë 32.889 studentë.
Në të gjithë programet e arsimit të lartë, në këtë vit akademik, u diplomuan 21.481 studente femra, ose 65,3 % e numrit të përgjithshëm të studentëve të diplomuar në arsimin e lartë. Fusha në të cilën janë diplomuar më shumë studentë në të gjitha programet është “Biznes, administrim dhe ligj” prej 28,7 % ose mbi një e katërta e numrit të përgjithshëm të të diplomuarve.
Fusha e dytë më e preferuar nga meshkujt është “Inxhinieri, prodhim dhe ndërtim” me 20,0 % e të diplomuarve. Ndërsa, nga femrat gjithsej të diplomuara, fusha e dytë e preferuar është “Shëndet dhe mirëqenie” me 16,3 % të të diplomuarave.
Pra, fusha në të cilën janë diplomuar më shumë studentë në të gjitha programet është “Biznes, administrim dhe ligj” prej 28,7 % ose mbi një e katërta e numrit të përgjithshëm të të diplomuarve
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.