Çfarë është ligji i Greshamit? “Monedha e keqe nxjerr nga qarkullimi monedhën e mirë”!

Emri i Thomas Greshamm (1517-1579), këshilltari financiar i Mbretëreshës Elisabeta I, përmendet në shkencën ekonomike edhe si formuluesi i parë i ligjit ose rregullit, sipas të cilit, “monedha e keqe nxjerr nga qarkullimi monedhën e mirë”. Çfarë nënkupton kjo dhe në cilat kushte gjen zbatim?

Ky ligj është përcaktuar në kohën kur paraja ishte në formën e monedhave prej ari dhe argjendi. Në një treg, ku këmbimi bëhej me monedha ari dhe argjendi, njerëzit prireshin të harxhonin më shumë monedha prej argjendi dhe të ruanin/mbanin mënjanë më shumë monedhat prej ari. Pra, kur kemi të bëjmë me monedha me të njëjtën vlerë nominale me kurs ligjor, por me përbërje të ndryshme metali, monedhat me përmbajtje metali më të lirë do të përdoren si mjet këmbimi, ndërkohë ato me përmbajtje metali më të çmuar ose do të mbahen mënjanë ose do të eksportohen, pra do të dalin jashtë qarkullimit.

Burimi: Banka e Shqipërisë

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.