Çfarë është “Sindroma e Peshkut të Kuq”? Përqendrimi, nga 3 minuta të 10 viteve më parë, kemi shkuar rrëmbyeshëm në 40 sekonda

Vëmendja jonë është ulur ndjeshëm vitet e fundit. Nga 3 minuta të 10 viteve më parë, kemi kaluar në 40 sekonda, që është koha maksimale që ne vendosim të ndryshojmë aktivitet. Është ky impakti që ‘smart-phone’ dhe mediat sociale kanë në përqendrimin tonë?

Kjo pyetje shtrohet në një artikull të  Avennire-s në Italia.

“Problemi është që teknologjia sot është e programuar për të sfrytëzuar dobësitë tona” shkruhet në artikull ndërsa citohet Tristan Harris, drejtuesi i ‘Human Tech Laboratory” ndërsa shprehej në dokumentarin “Social Dilemma” në Netflix.

Më tej, në artikull sillet ajo që është evidentuar nga Lisa Lotti në librin e saj studimor “8 sekonda, udhëtim në kohën e shpërqendrimit’. Nga një kërkim ‘Microsoft’ në 2015, rimarrë nga libri, duket se në fakt: aftësia jonë e perqendrimit është ulur rrëmbyeshëm në vitet e fundit, duke arritur deri në 8 sekonda, më pak se memoria e një peshku të kuq.

Ky duket një provokim i rëndë, megjithatë një e dhënë është e sigurtë: sipas Gloria Marck, kërkuese në Universitetin e Kalifornisë nga 3 minuta të 10 viteve më parë, kemi kaluar në 40 sekondat e sotme si kohë maksimale ku vendoset për të ndryshuar aktivitet.

E atëhere, çfarë mund të bëjmë?

Të përpiqemi të përdorim telefonin tonë me më shumë ekuilibër. Të reflektojmë para se të veprojmë. Ta nisim duke fikur telefonin një orë në një pjesë të ditës, si p.sh një prë para se të ikim. Të mos ta mbajmë më vetë kur ushqehemi por të bashkëbisedojmë me atë që kemi përballë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.