Çfarë ‘humori’ do të ketë moti këto ditë?! – SHMU: Masa të ngrohta ajrore do të sjellin grimca pluhuri në pjesën më të madhe të vendit
Shërbimi Meteorologjik Ushtarak njofton se ditën enjte vendi ynë do të jetë nën ndikimin e masave ajrore të qëndrueshme dhe do të mbizotërojnë orët me diell në pjesën më të madhe të vendit, vranësirat parashikohen të pakta kalimtare në orët e mesditës përgjatë relieveve malore ndërsa era do të fryjë nga kuadrati i jugut 1-10m/sek, shoqëruar me nje valëzim në dete të forcës 3 ballë.
- zonat malore 8 deri në 25ºC
- zonat e ulëta 12 deri në 28ºC
- zonat bregdetare 11 deri në 28ºC
Sipas SHMU ditën e premte në vend do të ndikojnë masat ajrore të qëndrueshme dhe moti parashikohet të jetë i kthjellët me shtim vranësirash shtresore.
Sipas njoftimit masat e ngrohta përveç rritjes së temperaturave do të sjellin me vete dhe grimca pluhuri ndërsa era do të fryjë me drejtim juglindje-jugperëndim e lehtë dhe përgjatë vijës bregdetare deri mesatare duke u pasuar nga valëzim i forcës 2-3 ballë.
Temperaturat parashikohen në:
- zonat malore 10°C deri në 26°C
- zonat e ulëta 12°C deri në 30°C
- zonat bregdetare 15°C deri në 29°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.