Çfarë janë kartat e kreditit?
Kartat e kreditit janë karta të krijuara, për zëvendësimin e parasë fizike dhe për t’ju lehtësuar me pagesat, blerjet si dhe shërbimet. Është fare e thjeshtë edhe nëse ju nuk keni të holla me vete ju mund të blini gjithçka që dëshironi vetëm me kartën tuaj të kreditit dhe më pas dhe në një ditë të caktuar jeni të detyruar të paguani shumën e parave të shpenzuara.
Karta ka një limit të caktuar parash dhe ky limit është gjithnjë i ndryshëm në varësi të kartës që posedoni.
Një kartë krediti është një kartë magnetike që të lejon, nëpërmjet një kodi personal sekret (PIN), tërheqjen e cashit, nxjerrjen e gjendjes së llogarisë dhe nxjerrjen e lëvizjeve të llogarisë pranë sporteleve automatike.
Ajo përmban: logon e bankës që e ka lëshuar, një element sigurie të paraqitur në formën e një chip-i 3 me 5 mm; një numër të dukshëm që është dhe numri i identifikimit të bankës, kohën e skadimit, një numër ekstra dhe një kod sigurie. Kartat e kreditit mund të merren pranë bankave tregtare që zhvillojnë aktivitetin në Shqipëri. Ato mund t`ju dërgohen edhe në shtëpi, për të lehtësuar aplikimin tuaj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.