Çfarë makinash po importojnë shqiptarët? Në vend të parë Volkswagen, në vend të dytë Benz
Gjatë vitit të kaluar, Shqipëria importoi 46 mijë e 613 mjete motorike (autovetura e motorë). Pjesa me e madhe e mjeteve të regjistruara (të importuara apo të shitura nga koncesionarët) për herë të parë në periudhën janar-nëntor 2020 janë autovetura (38 mijë e 700) dhe të ndjekura më pas nga motora(3116) dhe automjete për transport të përzier (2320).
Çfarë makinash po importojmë?
Referuar ‘Open Data’ të Drejtorisë së Përgjithshme të Shërbimit të Transportit Rrugor, pjesa më e madhe e makinave janë të markës Volkswagen, të ndjekura nga Benz, Ford dhe Toyota.
Referuar këtyre të dhënave të përpunuara nga SCAN, rezulton se janë regjistruar për herë të parë 8 mijë e 489 automjete të markës Volkswagen dhe 7 mijë e 428 Mercedes Benz. Ndërkohë, janë regjistruar 4 mijë e 26 mjete Ford ,3 mijë e 600 Toyota, 3 mijë e 433 Daimler Chrysler dhe 2 mijë e 770 Audi. Mjetet e tjera të regjistruara i përkasin markave, Opel, BMW,FIAT etj.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.