Çfarë ndodh me ushqimin e mbetur në restorante dhe resorte?!
Në industrinë e restoranteve, në fund të çdo dite, shumë prej ushqimeve tepron. Por çfarë ndodh me të? A hidhet e gjitha në plehra?
Para së gjithash, duhet saktësuar se ekzistojnë disa lloje mbeturinash nga ushqimi. Ka përbërës të papërpunuar që teprojnë, ku zakonisht ndodh si rezultat i blerjes së tepërt të një produkti të caktuar; ka komponentë individuale, të tilla si salcat, që janë gatuar, por nuk janë konsumuar; dhe së fundmi vjen ushqimi që tepron nga konsumatori, i cili nuk e përfundon atë që ka në pjatë.
Kur është fjala për përbërësit e papërpunuar që janë ende të përkryer për t’u ngrënë, këto zakonisht do të merren, për t’u rigatuar. Natyrisht nëse ushqimi është i prishur ose i kalbur, do të hidhet, por artikujt të tilla si perimet, merren në konsideratë për t’u rikonsumuar.
Në rastet, ku ushqimi tepron si shkak i moskonsumimit nga klientët, restorantet kanë tendencën që t’i hedhin mbetjet në plehra, nëse ato nuk mund të dërgohen te ata që janë në nevojë. Disa restorante refuzojnë të dhurojnë ushqimin e tyre të padëshiruar, nga frika se do të paditen nëse dikush që e ha, mund të sëmuret, por në realitet nuk kanë asgjë për të frikësuar, pasi ekziston një ligj që në vitin 1996, i cili i mbron donatorët “nga përgjegjësia civile dhe penale nëse produkti i dhuruar në mirëbesim më vonë do të shkaktojë dëm për konsumatorin”, përveç rasteve të “neglizhencës së madhe ose sjelljes së keqe të qëllimshme”.
Në rastin e ushqimit të mbetur në pjatën e konsumatorit, ushqimi është hedhur gjithmonë në plehra, pasi askush nuk dëshiron të hajë sanduiç gjysmë të ngrënë nga dikush tjetër!
Mbeturinat ushqimore janë një problem i madh në Amerikë; sipas një studimi të vitit 2012 nga Këshilli i Mbrojtjes së Burimeve Natyrore, ku amerikanët hedhin gati gjysmën e ushqimit të tyre, duke arritur në 165 miliardë dollarë të humbur çdo vit.
Por është më mirë të dimë se nëpër restorante është duke u bërë një përpjekje të vërtetë për t’u siguruar që asgjë nuk rrezikon shëndetin tonë!
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.