Çfarë ndodhi me turistët këtë vit? Gerxhani në “Argument”: 2019 vit më i keq, por shqetësimi është tjetër. Çuçi: Jo ajo që prisnim por s’ka rënie

Viti 2019 konsiderohet si një vit më i keq për turizmin se viti 2019. Deklaratën e bëri në emisionin “Argument” në SCAN Kliton Gërxhani, ekspert i politikave të turizmit ku u diskutua për sezonin turistik.

“Në përceptim të përgjithshëm 2019 është më keq se viti 2018. Nuk dua të jap patjetër lajme të këqija. Ka pasur anulime. Efekti i trazirave politike dha efektin më mbrapa dhe e kemi thënë dhe më herët ne nuk shqetësohemi për 2019 që do s’do e prisnim të mbyllej me keq po tani është koha që përgatiten katalogjet e kompanive për vitet 2020 dhe 2021 që kompanitë i bëjnë përpara. Shqetësimet e ngritura kanë të bëjnë me të ardhmen ku mbyllen numrat e seritë e bllokohet gjëja” tha Gërxhani.

Ndryshe u shpreh zëvëndësministrja e Turizmit, Ornela Çuçi. Sipas zëvëndësministres, është e vërtetë që ka pasur një perceptim jo të mirë për Shqipërinë dhe se pretendohej një rritje më e madhe e numrit të turistëve që nuk ka ndodhur, por nuk ka pasur ulje të numrit të vizitorëve.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.