Çfarë ofron plani i ri italian i vaksinave, më shumë qendra vaksinash dhe 300 mijë vullnetarë – Por a do të mjaftojë?!
Vaksinimet në kazerma dhe sallat e sporteve, një ushtri prej 300,000 vullnetarësh në terren për logjistikë dhe rritje e stafit të dedikuar për administratën, gjysmë milioni doza në ditë si qëllim duke filluar nga Prilli.
Është pikërisht ky plani i ri i vaksinës i cili po merr formë pas indikacioneve që Kryeministri Mario Draghi dha në Senat, duke përsëritur se imunizimi masiv i italianëve është “sfida e parë” për qeverinë e vendit. Kryeministri foli për nevojën për të qenë të shpejtë dhe efikas, për “detyrën” për të përdorur gjithçka që Italia ka në dispozicion për të mbrojtur qytetarët e saj dhe tashmë në ditët në vijim do të ketë një seri takimesh për të përcaktuar linjat e organizimit dhe planin logjistik.
Sidoqoftë, ky plan mund të jetë i lidhur vetëm me furnizimin e vaksinave pasi pa doza, fushata nuk mund të fillojë.
Prandaj, strategjia do të lëvizë në dy nivele, atë kombëtar dhe atë europian, ku Italia do të jetë një mbështetëse e patundur e linjës së miratuar deri më tani nga Brukseli për blerjet e centralizuara.
Qëllimi i Ministrisë së Shëndetësisë është të arrijë në 500 mijë të vaksinuar në ditë, 6 milion italianë në muaj, kryesisht duke përdorur mjekë të përgjithshëm dhe pediatër. Por megjithatë për ta përqendruar atë do t’ju duhet edhe më shumë se kaq. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.