Çfarë po eksporton Shqipëria në Spanjë? Eksportet në janar-shtator 2017 u rritën nga 4.8 në 10.9 miliardë lekë!
Shqipëria po rrit gjithnjë e më shumë eksportet drejt Spanjës. Nëse analizojmë të dhënat e tregtisë së jashtme të publikuara nga INSTAT, rezulton se rritja e këtij viti e eksporteve në total është me 6.1 miliardë lekë më shumë se një vit më parë.
Në periudhën janar-shtator 2016 eksportet arrinin vlerën 4.8 miliardë lekë ndërsa në periudhën janar-shtator 2017 eksportet janë rritur në 10.9 miliardë lekë, raporton portali SCAN.
E nëse analizojmë listën e grupmallrave, peshën më të madhe në këtë rritje e mbajnë mineralet dhe lëndët djegëse. Gjatë vitit 2016, Shqipëria eksportoi drejt Spanjës 1.5 miliardë lekë minerale e lëndë djegëse ndërsa gjatë vitit 2017, ka eksportuar 8.2 miliardë lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.